Қарағанды облысында ауылдағы 207 дәрігер прокуратураның араласуынан кейін желтоқсан айындағы жалақыларын алды
ҚАРАҒАНДЫ. 14 қаңтар. ҚазАқпарат /Валентина Елизарова/ - Қарағанды облысына қарасты Ақтоғай ауданының прокуратурасы аудандық медициналық бірлестіктегі 207 жұмысшының конституциялық құқықтарын қорғап қалды. Бұл туралы бүгін Ақтоғай ауданы прокуратурасының аға көмекшісі Рахымжан Рахатов мәлімдеді.
«Прокуратураның тексерісі анықтағандай, аудандық медициналық бірлестіктің 207 қызметкеріне 2010 жылдың желтоқсан айындағы жалақы төленбеген. Қарыз 4,6 млн. теңгені құрады. Қызметкерлердің конституциялық құқықтарын қорғау мақсатымен 2011 жылдың 10 қаңтары күні аудандық прокуратура заң бұзушылықты жою туралы шешім қабылдады», - деді Р.Рахатов.
Қадағалаушы органның араласуынан кейін қызметкерлердің жалақасы өз қолдарына тиді, деп атап өтті ол.
