Қарағанды облысында бір аптада 85 мас жүргізуші ұсталды - ЖПБ
АСТАНА. 8 тамыз. ҚазАқпарат - Бір аптаның ішінде, 1-7 тамыз аралығында Қарағанды облысында 85 жүргізуші көлікті мас күйінде басқарғаны үшін, 1310 жүргізуші жылдамдықты асырғаны үшін ұсталды.
Мұндай сандарды Қарағанды облыстық ІІД Жол полициясы басқармасының баспасөз қызметі ұсынып отыр.
Барлығы 1-7 тамыз аралығында облыстық ІІД жол полициясы басқармасының жеке құрамы жол қозғалысы ережесін бұзудың 3813 оқиғасын тіркеді, сонымен қатар 21 жол-көлік апаты орын алды, оның салдарынан 3 адам қаза тауып, 25 адам түрлі дене жарақаттарын алды.
