Қарағанды облысында екі көлік өртенді
ҚАРАҒАНДЫ. ҚазАқпарат – Қарағанды мен Теміртау қалаларында жүк және жеңіл көлік отқа оранды. Екі жағдайда да көліктердегі сымдардың тұйықталуы себеп болған, деп хабарлайды ҚазАқпарат тілшісі.
«4 қыркүйек күні сағат 8: 57-де Теміртау қаласының 8-шағынауданында көліктің жануы туралы хабарлама келіп түсті. Өрт сөндіру бөлімшелері келгенде жүк көлігі өртеніп жатқан. Жалын сағат 09:36-да сөндірілді. Зардап шеккендер жоқ. Өрттің шығу себебі – мотор бөлігіндегі қысқа тұйықталу», - деп хабарлады Қарағанды облысы ТЖД баспасөз қызметі.
Сондай- ақ, 3 қыркүйекте Қарағанды қаласында да төтенше жағдай орын алды. Сағат 19: 11-де Шахтерлер даңғылы мекенжайы бойынша көліктің жануы туралы хабарлама келіп түсті. Жалын УАЗ автокөлігі қозғалтқышының жанғыш бөліктері мен қаптамасын шарпыған.
Өрт сағат 19:25-те сөндірілді. Ешкім зардап шеккен жоқ.
