Қарағанды облысында коронавирус анықталған бес адамның төртеуі карантиндік госпитальде болған
НҰР-СҰЛТАН. ҚазАқпарат - Қарағанды облысында тағы 5 адамның COVID-19-ды жұқтырғаны белгілі болды, деп хабарлайды Мемлекеттік комиссияның шұғыл штабы.
Олар:
- 1994 жылғы әйел адам, Қарағанды қаласының тұрғыны, осыған дейін карантиндік госпитальге жатқызылған;
- 1997 жылғы жігіт, Теміртау қаласының тұрғыны, осыған дейін үй карантинінде болған; 1988 жылғы әйел адам, Теміртау қаласының тұрғыны, осыған дейін карантиндік госпитальге жатқызылған;
1999 жылғы әйел адам, Қарағанды қаласының тұрғыны, осыған дейін карантиндік госпитальге жатқызылған;
1989 жылғы ер адам, Теміртау қаласының тұрғыны ол да карантиндік госпитальге жатқызылған.
Бүгінгі таңда облыста инфекцияны 108 адамның жұқтырғаны тіркелді, оның біреуі қайтыс болды, 30 науқас жазылып шықты.
Қарағанды қаласында – 49 адам
Теміртау қаласында – 38 адам
Шахтинск қаласында – 7 адам
Саран қаласында – 1 адам
Бұқар жырау ауданында – 1 адам
Шет ауданында – 1 адам
Басқа облыстан – 11 адам
Науқастардың жас құрамына талдау жасағанда:
18-29 жас аралығында – 23 адам
14 жасқа дейінгі балаларда – 18 адам
30-39 жас аралығында – 17 адам
60 жастан асқан адамдар – 15 адам
40-49 жас аралығында – 20 адам
50-59 жас аралығында – 11 адам
жасөспірімдер арасында – 4 адам.
