Қарағанды облысында тағы 13 мектеп НЗМ бағдарламасын іске қосады

None
None
ҚАРАҒАНДЫ. ҚазАқпарат - Жаңа оқу жылынан бастап Қарағанды облысының тағы 13 мектебінде Назарбаев Зияткерлік мектептерінің тәжірибесін тарату жұмыстары басталады. Өткен оқу жылында НЗМ бағдарламасын 39 оқу орнында пайдалана бастады. Бұл туралы Қарағанды облысы әкімдігінің баспасөз қызметі хабарлады.

Қарағанды облысының білім беруді дамытудың оқу-әдістемелік орталығынан хабарлағандай, НЗМ оқыту бағдарламасы өзінің тиімділігін көрсетіп отыр.

«Мұғалімдердің біліктілігі өсті, мектептер жаңа оқу бағдарламаларына көшеді, мұның барлығы жақсы нәтиже береді. Сондықтан жаңа оқу жылында НЗМ бағдарламасы бойынша жұмыс істейтін мектептер санын көбейту қажет деп шештік», - дейді Қарағанды облысының білім беруді дамытудың оқу-әдістемелік орталығы директорының тәрбие жұмысы жөніндегі орынбасары Гүлмира Көпбаева.

Жаңа оқу жылынан бастап №33, №85, «Мұрагер» мектептері мен Қарағандыдағы №3 гимназия НЗМ тәжірибесін трансляциялау жұмыстарын бастайды. Балқаш қаласындағы №16 мектеп, Сәтбаев қаласындағы Абай атындағы №4 мектеп-лицейі, Шахтинск қаласындағы № 11 мектеп, Ақтоғай ауданы Сарышаған кентінің мектебі, Бұқар Жырау ауданындағы кернеевка орта мектебі, Қарқаралы ауданы Егіндібұлақ ауылындағы № 5 мектеп. Жаңаарқа ауданында Б. Амалбекова, Нұра ауданындағы Киев № 2 қазақ мектебі және Шет ауданындағы Ш. Батталова атындағы мектеп,
Қарағанды облысында Назарбаев Зияткерлік мектептерінің оқу бағдарламасын 52 мектепте пайдаланатын болады.

Соңғы жаңалықтар