Қарағанды облысында жеңіл көлік пен жүк көлігі соқтығысып, екі адам қаза тапты

ҚАРАҒАНДЫ. ҚазАқпарат - Қарағанды облысы Ақтоғай ауданында «Тойота авенсис» маркалы жеңіл көлік пен «MAN» жүк көлігі соқтығысты. Жол апаты салдарынан екі адам қаза тапты, деп хабарлады Қарағанды облысы ІІД баспасөз қызметінен.

Алдын ала нұсқа бойынша, «Тойота авенсис» көлігінің жүргізушісі рульді басқара алмай, қарсы жолға шығып кетіп, жүк көлігіне соқтығысқан.

Сот алды тергеу жүргізілуде, бірқатар сараптамалар тағайындалды.