Қарағанды облысында жолаушылар автобусы жыраға түсіп кетті

ҚАРАҒАНДЫ. ҚазАқпарат - Жол-патруль полициясы облыстық батальоны Омбы қаласына бара жатып, апатқа ұшыраған жолаушыларды құтқарды, деп хабарлайды «ҚазАқпарат» ХАА тілшісі.

29 желтоқсан күні түнде полицияға Қазақстан ауылының маңында Қарағанды-Омбы рейсімен бара жатқан жолаушы автобусы жыраға түсіп кеткені туралы хабар келді.

«Біз барғанда автобус жырада тұр екен. ДЭУ-45 арнайы техникасын тоқтаттық, тоңып қалған жолаушыларды өзіміздің машинаға мінгізіп жылытып, автобусты жолға шығаруға көмектестік», - дейді полиция қызметкері, сержант Ерік Жансерікұлы.

Жолаушылар жолай кезіккен көліктермен Майөзек ауылына жеткізілді. Автобусты да сол жерге сүйреп жеткізді. Жөнделген соң, жолаушылар сол автобуспен сапарын жалғастырып кетті.