Қарағанды облысында жолда тұрып қалған автобустың 44 жолаушысы құтқарылды
АСТАНА. 8 желтоқсан. ҚазАқпарат - Жезқазған қаласының Төтенше жағдайлар басқармасы Азаматтық қорғаныс және төтенше жағдайлар бөлімінен хабарлағандай, ауа температурасының төмендеуіне байланысты Жезқазған өңірінің жолдарында алыс бағыттағы жолаушылар автобустарының жолда тұрып қалу оқиғалары жиіледі.
Мәселен, 8 желтоқсан күні, таңертеңгі сағат 8-де Жезқазған қаласы бойынша ТЖБ-ның кезекші бөліміне, Жезқазғаннан Қарағанды қаласына қарай 80 шақырым жерде, Қызылорда-Павлодар автожолында, дизель отынының қатып қалуы салдарынан ішінде 44 жолаушысы бар Астана-Қызылорда бағытындағы маршрутты автобус тоқтап қалғандығы туралы хабарланды.
Автобус 30 градус аязда жолда ұзақ уақыт бойы тұрып қалған. Адамдарды құтқарумен Жезқазған қаласы бойынша ТЖД-ның шұғыл тобы және Қарағанды облысы бойынша ТЖД «Өртке қарсы және апатты-құтқару қызметі» ММ-нің екі жасағы айналысты. Нәтижесінде 34 жолаушы аман-есен Жезқазған қаласына жеткізілді.
