Қарағанды облысында жыл басынан 164 әйелде сүт безі рагы анықталды
ҚАРАҒАНДЫ. ҚазАқпарат – 2021 жылдың басынан бастап Қарағанды облысында сүт безі қатерлі ісігін ерте анықтау бойынша скринингілерге медициналық сақтандыру қорынан 384,9 млн теңге бағытталды, деп хабарлайды ҚазАқпарат тілшісі.
«Бізде томосинтез функциясымен маммографиялық аппарат бар. Онда біз мақсатты және контрасты маммографияны, дуктографияны жүргіземіз. Сондай-ақ оның «стереотактикалық биопсия» функциясы бар, оның көмегімен өте кішкентай ісіктер зерттеледі. Ал томосинтез, оның барысында құрылғы миллиметрге қабатты бөлімдер жасайды. Бір зерттеу үшін — 60 тілім. Бұл зерттеу ісіктердің нақты көрінісін береді», — деді «Олимп» маммологиялық орталығының бас дәрігері Бекболат Тоқжұманов.
Жыл басынан облыстағы жалғыз орталықта 16 мың зерттеу жүргізілді. Тереңдетілген диагноз қою нәтижесінде скринингіден өткен 164 тұрғында сүт безі қатерлі ісігі расталды. Көпшілігінде ауру 1-2 сатыда, төрт әйелде 3-4 мм өлшемді ісіктер анықталды, яғни нөлдік сатыда.
«Егер тексеру барысында патология расталса, біз биопсия жүргіземіз. Гистологиялық зерттеулер қазірдің өзінде онкологиялық орталықта жүргізілуде. Емделушінің барлық тексерулері МӘМС аясында тегін өтеді», — деп атап өтті Бекболат Тоқжұманов.
2 жылда бір рет жүйелі скринингіден 40 пен 70 жас аралығындағы барлық әйелдер өтуі тиіс. Алайда дәрігерлер жылына бір рет, әсіресе егер науқаста сүт безі қатерлі ісігінің тұқым қуалайтын бейімділігі болса немесе жарақат алса маммограммадан өтуді ұсынады.
Сондай-ақ өздеріңізді тексеру керек екенін ұмытпауыңыз керек. Сүт бездерінде түйіндердің пайда болуы – бұл да індет белгілерінің бірі.
