Қарағанды облысының әкімі Президент сынына орай әрекет етуде

ҚАРАҒАНДЫ. 12 қазан. ҚазАқпарат - Бүгін 2013 жыддың 9 айындағы аймақтың әлеуметтік-экономикалық дамуының қорытындысы және 11 қазанда Үкіметтің кеңейтілген отырысында ел Президенті алға қойған міндеттерді қараған Қарағанды облысы әкімдігінің отырысы өтті.

«Кешегі өткен Үкімет отырысында Мемлекет басшысы Нұрсұлтан Назарбаев ескертулер жасады. Біз бірден-бір және ең басты міндетті шешуге барынша күш салуымыз қажет - бұл облыс халқының барынша сапалы өмір сүру деңгейін қамтамасыз ету», - деді облыс әкімі Бауыржан Әбдішев.

Ол өңірге қатысты Президент айтқан сынды әділетті деп мойындады.

«9 айдағы әлеуметтік-экономикалық даму көрсеткіші жалпы тұрақты және жағымды өсімге ие, оны сақтау қажет. Сонымен қатар бірқатар шешілуі қажет мәселелер бар, оларды шешу әр мемлекеттік қызметкер үшін басым мақсат болуы қажет», - деп атап өтті облыс әкімі.

Облыс әкімінің бірінші орынбасары Ғабит Мұхамбетов өз баяндамасында хабарлағандай, 2013 жылдың 9 айында аймақтағы өнеркәсіп өндірісінің көлемі 2012 жылдың сәйкесінше кезеңіндегі нақты көлем 101,5% индексімен 1 трлн-нан астам теңгені құрады.

Қазіргі уақытта жалпы құны 76 млрд. теңге тұратын индустрияландыру картасының 46 жобасы іске қосылды, 3500-дей жаңа жұмыс орны құрылды, деп еске салды ол.

«Негізгі капиталға 288 млрд. теңге инвестицияланды, бұл өткен жылдың деңгейінен 42,6% жоғары. Сонымен қатар 70 млрд.-тан астам теңге өңдеу саласын дамытуға салынды», - деп ақпараттандырды облыс әкімінің бірінші орынбасары.

Есеп беру мәліметтері бойынша, 9 айдың қорытындысы бойынша облыстың сыртқы сауда көлемі 6,9%, соның ішінде экспорт көлемі - на 12,8%-ға өсті.

Облыста есеп беру кезеңінде 257,6 мың шаршы метр тұрғын үй пайдалануға берілді.

«Мемлекет басшысы айтқандай, біз халықтың көңіл-күйін бақылауымыз қажет, шағымдарға және көтеріліп жатқан шешілуі тиіс мәселелерге уақытылы әрекет етуіміз қажет », - деп атап өрсетті Б. Әбдішев.

Әкімдік отырысының қорытындысы бойынша қаулы қабылданды.