Қарағандыда 500 адам жинап той өткізген шенеунік қызметінен босатылуы мүмкін

ҚАРАҒАНДЫ. ҚазАқпарат – Қарағанды облысының әкімдігінде карантин шектеуін сақтамай, той жасаған шенеунікке қатысты мәлімдеме жасады. Оған қызметтен босатылу қаупі төніп тұр, деп хабарлайды ҚазАқпарат тілшісі.

«Аталған мемлекеттік қызметшіге қатысты арнайы тексеру тағайындалады, карантин шектеуі сақтамау фактісі расталған жағдайда, атқаратын лауазымынан босатуға дейінгі ең қатаң шара қабылданады. Сондай-ақ, санитарлық нормалардың бұзылуына байланысты іс-шара тоқтатылғанын, ұйымдастырушыларға әкімшілік айыппұл салынатынын хабарлаймын»,- деді Қарағанды облысы әкімінің баспасөз хатшысы Марина Шаповалова.

Еске сала кетейік, кеше 7 тамызда Қарағандыдағы мейрамхананың бірінде жоғары лауазымды шенеунік 500 адам шақырып, қыз ұзату рәсімін ұйымдастырған. Мобильді топ тойды тоқтатты .

«Барлық азаматтарға аурушаңдықтың өсу кезеңінде барлық санитарлық шараларды сақтау қажеттігін ескертеміз. Кемшіліктің алды.н алу үшін жауапты мемлекеттік органдар жұмыс орны мен лауазымына қарамастан оларға қатаң шара қолданады», - деді облыс әкімінің баспасөз хатшысы.