Қарағандыда 6 жасқа дейінгі балалар робототехникадан жарысуда
Облыс әкімдігінің баспасөз қызметінен мәлім еткендей, Ақтоғай, Нұра және Осакаров аудандары мен Теміртауда жас робототехниктер сайысы өтіп үлгерді. Ақпанның ортасына дейін байқаулар облыстың барлық аудандары мен қалаларында өтеді. Ең үздік командалар 29-30 наурызда Қарағандыда ұйымдастырылатын «ROBOLAND-2019» робототехника, бағдарламалау және инновациялық технологиялардың V Халықаралық фестивалінде өнер көрсететін болады.
Облыста білім беру робототехникасын дамыту балалардың техникалық шығармашылыққа деген қызығушылығын арттырды. Көптеген қалалар мен аудандарда сайысқа қатысушылар саны бірнеше есе артты. 
«RoboKRG» робототехника бойынша қалалық сайысты төртінші рет өткізіп отырмыз. Биылғы жылы 57 оқу ұйымынан 178 команда қатысып отыр, барлығы 370 оқушы. Төрт жылда қатысушылар саны 4 есе артты. Бүгінгі таңда конструкторлық жинақтар қаланың барлық мектептерінде бар. Ал 33 мектеп робототехника зертханаларымен жабдықталған. Робототехника жуырда ғана дами бастағанына қарамастан, біздің балалар қазірдің өзінде халықаралық байқауларда сәтті өнер көрсетуде», - дейді Қарағанды қалалық білім бөлімінің сектор меңгерушісі Наталья Головина.
Биылғы жылы қала мектептерінде 13 ІТ-сынып ашылды. Балалар және жасөспірімдер сарайында технопарк пайда болды. Осының барлығы техникалық шығармашылықтың шекарасын кеңейтуде.
Қатысушылар саны артқандықтан Қарағандыдағы сайыс бағдарламасы екі күнге бөлінді. Сайыстар 13 санат бойынша өткізіледі. Алғаш рет конкурсқа 6 жасқа дейінгі балалар қатысады.