Қарағандыда 7 жасар бала із-түзсіз кетті
ҚАРАҒАНДЫ. ҚазАқпарат - Қарағанды облысының Шахтинск қаласында мектептен шығып кетіп, із-түзсіз жоғалған 7 жасар бала іздестірілуде, деп хабарлайды «ҚазАқпарат» ХАА тілшісі.
«Розыск.кз» қоғамдық қозғалысының еріктілері хабарлағандай, бала психикалық ауытқудан зардап шегеді, оның сөйлеу тілі жақсы дамымаған. «7 қыркүйекте Расул Бакибаев №1 мектеп-интернаттан шығып, белгісіз бағытқа кетіп қалған», - дейді волонтерлар.
Жоғалған баланың бойы 140-150 см, дене бітімі орташа. Оның үстінде көк футболк, қара шолақ шалбар, аяғында шәркей болған.
Еріктілер бала туралы қандай да бір ақпаратты білетіндерден 8 775 552-96-66 немесе «102» телефондарына хабарласуын сұрайды.
