Қарағандыда интернетсіз автобустарда жолақыны қалай төлеуге болады
ҚАРАҒАНДЫ. ҚазАқпарат – Қарағандыда тұрақты интернет байланысы болмаған кезде автобустарда жол жүру ақысын кондукторларға қолма-қол ақшамен төлеуге болады. Бұл жайлы қала әкімдігінің баспасөз қызметі мәлім етті, деп хабарлайды ҚазАқпарат тілшісі.
Интернет жүйесінде іркілістер болуы себепті Қарағанды қаласының қоғамдық көліктерінде жол жүру ақысы қолма-қол ақша төлеу арқылы жүзеге асырылады.
- 6 мың теңгеге сатып алған жалпы жол жүру билеттерін пайдаланушылар ONAY! картасын сәйкестендіру үшін автобус кондукторына ұсына отырып, оларды пайдалана алады;
- жеңілдікті санаттағы азаматтар үшін атаулы әлеуметтік карта ұсынылған жағдайда төлем 0 теңгені құрайды;
- зейнеткерлер атаулы карталарын ұсына отырып, 50 теңге төлей алады;
- 7-15 жастағы балалар үшін төлем бұрынғысынша 40 теңге болып қалады;
- ересектер үшін – 80 теңге
ONAY! карталарымен электрондық төлем жүйесінің жұмысы тұрақты интернет байланысы қалпына келтірілгеннен кейін жаңартылады.
