Қарағандыда көппәтерлі тұрғын үйдегі өрт салдарынан екі адам көз жұмды
АСТАНА. ҚазАқпарат - Қарағанды қаласындағы Октябрь ауданының 17 шағын ауданында көпқабатты тұрғын үйді өрт шалды, деп хабарлайды ТЖМ баспасөз қызметінен.
18 ақпан күні түнгі сағат 03.24-те 5 қабатты үйдің 3-қабатындағы пәтерден өрт шыққан. Ол сағат сағат 4-тен 5 минут кеткенде анықталып, сағат 04.32-де ауыздықталды.
Өртті сөндіру жұмыстарына ҚР ТЖМ Қарағанды облысы бойынша Төтенше жағдайлар департаментінің өрт сөндіру қызметінің жеке құрамнан 18 адам мен 5 техника жұмылдырылды. Тілсіз жау жалпы көлемі 20 шаршы метр аумақты шарпыған. Өрт кезінде тұрғын үйден 16 адам, оның ішінде 3 бала сыртқа шығарылды.
Өрт салдарынан екі азамат - 1964 жылы туылған П.Германюк және 1930 жылы туылған З.Германюк көз жұмды.
