Қарағандыда «Мен Қазақстандықпын» бірлік клубының отырысы өтті
АСТАНА. ҚазАқпарат - Қарағанды қаласы Жастар ресурстық орталығы «Дом талантов» мекемесінде оқушылар мен колледж студенттері арасында «Мен Қазақстандықпын» атты бірлік клубының отырысын өткізді. Бұл туралы ҚазАқпарат қала әкімінің сайтына сілтеме жасап хабарлайды.
Іс-шараның мақсаты - Қазақстан халқының ұлттары арасында бірлік пен құрмет құндылықтарын тәрбиелеу, ұлттық мәдениеттер мен дәстүрлерді зерттеуге ынталандыру, жастардың мәдени көкжиегін кеңейту.
Отырыс барысында қатысушылар 4 топқа жеребе арқылы бөлініп, ұлттарды таныстыру бойынша тимбилдингке қатысып, сондай-ақ әртүрлі ұлттардың танымал тұлғаларын таныстырды.
Қатысушылар бір-бірімен әртүрлі тілде сәлемдесуді үйренді және де өзге ұлттың ойындарын ойнап, әлемнің әртүрлі халықтарының көптеген өзгешеліктерін танып білді.
Кездесу соңында Бірлік клубының мүшелеріне сертификаттар табысталды.
