Қарағандыда мүмкіндігі шектеулі адамдар үшін «Жан шығармашылығы» дәстүрлі облыстық фестивалі өтіп жатыр
ҚАРАҒАНДЫ. Шілденің 10-ы. ҚазАқпарат /Валентина Елизарова/ - Қарағандының Мәдениет және демалыс орталық саябағында сенбі, шілденің 10-ы күні «Жан шығармашылығы» ХІІ облыстық фестивалі өтуде. Ұйымдастырушы - облыстық мәдениет басқармасы - бұл іс-шараны екі атаулы күнге: Ұлы Отан Соғысындағы Жеңістің 65 жылдығы мен Қазақстан Республикасы Конституциясының 15 жылдығына арнап отыр.
Фестивальға облыстың аудандары мен қалаларынан 200-ден астам қатысушы жиналды. Мүмкіндігі шектеулі адамдардың қолдарынан шыққан өнер туындылары арнайы көрмеде қойылған. «Ұлы Жеңіске арналады...» гала-концертінде көркемөнерпаздар мен мүгедектер қоғамының ұжымдары өз өнерлерін көрсетуде. Сонымен қатар, акция шеңберінде дойбы мен шахматтан жарыстар ұйымдастырылуда.
