Қарағандыда сүңгуір-құтқарушылар жарысуда
деп хабарлады Төтенше жағдайлар жөніндегі облыстық департаменттің судағы құтқару қызметінен.
Сүңгуір-құтқарушылардың арасындағы жарыс аймақта жыл сайын өткізіледі. Ондағы мақсат - құтқарушылардың біліктіліктерін жетілдіру, олардың кәсіби шеберліктерін шыңдау және өзара тәжірибе алмасу, дейді ұйымдастырушылар. Жеңімпаз ауыспалы кубокпен марапатталады.
Биылғы көпсайысқа судағы құтқару стансаларының 6 командасы қатысуда. Сондай-ақ, облыстық төтенше жағдайлар департаментінің жедел-құтқарушы отряды да өз өкілдерін шығарып отыр. Жарыс бағдарламасына - 10 кезеңнен тұратын эстафета: қайықпен жүзу, сүңгуірдің киімін киюдің реті, құтқарушы құралдарды беру, іздеу-сүңгу жұмыстары, суға батып бара жатқанды құтқару, алғашқы медициналық көмек көрсету, өрт сөндіру және күш-қуат жаттығулары енгізілген.
Ертең, қыркүйектің 10-ында, жарыстың жабылу рәсімінде нәтижелер жария етіліп, жеңімпаздар марапатталады.