Қарағандыда сұрапыл дауыл автобус павильонын құлатып, декорацияны қиратты

ҚАРАҒАНДЫ. ҚазАқпарат - Қарағандыда қатты соққан жел ОӘД аялдамасындағы автобус павильонын төңкеріп, мерекелік декорацияны қиратты және ағаштарды құлатты, деп хабарлайды «ҚазАқпарат» ХАА тілшісі.

«Дегенмен ауа райының қолайсыздығына байланысты ешқандай ірі төтенше жағдай тіркелген жоқ. Шатырлардың ұшқаны немесе құлаған ағаштардың автомобильдерді зақымдағаны туралы хабарлама ведомстовоның кезекшілік бөліміне түскен жоқ», - деп хабарлады ТЖ департаментінің баспасөз хатшысы Айдана Жүніс.

Қазіргі таңда әкімдік адам көп жүретін аймақта автобус павильонының қажетті түрде бекітілмегенін анықтап жатыр.

Жолаушылар көлігі секторының басшысы атап өткендей, павильон қайта тұрғызылып, асфальтқа бекітілді.

«Қазгидромет» РМК дерегіне сәйкес, 6-7 мамыр күндері Қазақстанның бірнеше облыстарында күшті жаңбыр жауып, күн күркірейді және жел  тұрады.