Қарағандыда тұңғыш әуесқой кинофестивалі өтеді
АСТАНА. ҚазАқпарат - 21 қыркүйекте «Асқар» әуесқой кино түсірілімдеріне қатысушылардың жұмыстары лайықты бағасын алып марапатталады, деп хабарлайды ekaraganda.kz.
Шараны өткізуге мұрындық болып отырған Сергей Забурдяев пен Владимир Зуевтің айтуына қарағанда, әуесқой кинофестивальдің негізгі мақсаты - кәсіби емес деңгейде кино түсірумен айналысатын шығармашылық топқа қолдау көрсету.
«Көп адамдар түсірілім жұмыстарымен айналыса бермейді. Өйткені олар YouTube-де миллиондаған роликтердің арасында елеусіз қалады деп есептейді. Жалпы фильм түсіру оңай шаруа емес, сондықтан оларға қолдау көрсету аса маңызды», - деді Владимир Зуев.
Айта кетейік, фестивальға қатысуға өтінім қабылдау 31 тамызға дейін жалғасады.
