Қарағандыдағы 16 қабатты тұрғын үйде өрт болды
АСТАНА. ҚазАқпарат - Қарағандыдағы көп қабатты тұрғын үйдегі пәтерлердің бірінде өрт болды, деп хабарлайды ҚазАқпарат тілшісі ҚР ІІМ ТЖК баспасөз қызметіне сілтеме жасап.
«15 наурыз күні 17:12-де Қарағанды қаласы, Қазыбек би ауданындағы 16 қабатты тұрғын үйдің екінші қабатындағы пәтерде газ-ауа қоспасынан өрт шығып, 4 шаршы метр ауданда үй жиһазы өртенді», - делінген хабарламада.
Комитет өкілдерінің айтуынша, өрт сөндіру қызметкерлері 68 адамды, соның ішінде 13 баланы құтқарған.
Жалын 17:44-те ауыздықталып, 17:50-де толықтай сөндірілген. Құрбан болғандар мен зардап шеккендер жоқ.
