Қарағандыдағы сауда үйінде болған өрт кезінде 40 адам эвакуацияланды
ҚАРАҒАНДЫ. ҚазАқпарат - Қарағанды өрт сөндірушілері бес қабатты тұрғын үйдегі 40 адам, соның ішінде 7 баланы эвакуацияланған. Өрт тұрғын үйге жапсарлас салынған дүкеннен шыққан, соның салдарынан бір адам мерт болған, деп хабарлайды «ҚазАқпарат» ХАА тілшісі.
«8 қараша, сәрсенбі күні сағат 03:30-да Октябрь ауданындағы «Универсальный» дүкенінде өрт шыққаны туралы хабарлама түсті. Ол бес қабатты 4 кіреберісі бар тұрғын үйге жапсарласа салынған. Өрт сөндірушілер келгенге дейін қосалқы бөлмеде 15 шаршы метр жердегі заттар мен жиһаздар жанып кеткен», - деді Қарағанды облыстық ТЖ департаментінің ресми өкілі Жанна Дәуренбекова.
Өрт шыққан жерден қаза тапқан ер адамның денесі табылды, оның жеке басына қатысты мәліметтер анықталып жатыр.
«Өрт сағат 04:15-те ауыздықталды. Өрт сөндіруге 6 техника мен 27 құтқарушы тартылды. Алдын ала нұсқа бойынша, өрт электр техникасының ақауынан - электр желісіне шамадан тыс артық күш түсудің салдарынан», - деді Жанна Дәуренбекова.
