Қарағандылық құтқарушылар дала өртін сөндіруде шеберлік шыңдады
ҚАРАҒАНДЫ. ҚазАқпарат – Қарағанды облысының Ақтоғай ауданында табиғи өртті сөндіру бойынша оқу-жаттығу өтті. Алдын ала құрылған жоспар бойынша, туристер сөндірмей кеткен оттың салдарынан далаға өрт жайылып, жалын орман аумағын шарпыған.
Оқу-жаттығу барысында кәсіби құтқарушылар, ерікті жасақтар, табиғат қорғау қызметтері және басқа да ведомстволар өзара іс-қимылды пысықтады. 160-тан астам адам мен 24 техника жұмылдырылды.
Шартты өрт 350 га аумаққа жайылды, жалынды орман өрттерін сөндіру станциясының қызметкерлері анықтады. Ғарыштық мониторинг арқылы оттың таралуы туралы растау келеді. Сонан соң өрт сөндірушілер түрлі учаскелерге бөлінеді.
Жаттығу қорытындысы бойынша жауынгерлік дайындық деңгейі талданды. Жалпы мамандардың жұмысына оң баға берілді.
