Қарағандылық полицей машинада қамалған 2 жасар баланы құтқарды

None
None
 ҚАРАҒАНДЫ. ҚазАқпарат - Қарағандыда полицейлер машинада жалғыз қалып, ыстықтан тынысы тарылған баланы құтқарды, деп хабарлайды ҚазАқпарат.

Көліктің ішінде әйнекті соғып, жылап жатқан баланы көрген маңайдан өтіп бара жатқан адамдар полиция қызметкерлерін шақырған. Полицейлер көп ойланбастан «Мерседес»-тің есігін бұзып, екі жасар баланы алып шыққан. Балдырғанды сауда орталығына алып келіп, су берген. Баланың ата-анасы оралғанша полиция қызметкерлері мен жанашыр адамдар жылауын тоқтатпаған баланы тыныштандыруға тырысқан. 

Қарағанды облыстық ішкі істер департаментінің жетекшісі Бақытжан Құдияров, баланың ата-анасымен  профилактикалық жұмыстардың жүргізілгендігін айтты.

«Оқиғаға қатысты ата-ана  баланы не үшін қараусыз қалдырып кеткендерін түсіндірді. Олар базарға аз уақытқа кеткен. Ол кезде бала көлік ішінде ұйықтап жатқан. Ювенальды полиция қызметкерлерімен әңгімелескен ата-ана өздерінің кінәларын толық мойындады. Ендігі кезекте баланың денсаулығына зиян келтіретін қандай да бір шараларға жол бермейтіндіктерін айтты», - деді Бақытжан Құдияров.

Соңғы жаңалықтар