Қарақшылар Париждің орталығында екі адамды атып кетті

АСТАНА. 22 сәуір. ҚазАқпарат - Өткен түні Париждің нақ орталығында болған қарақшылық атыста екі адам қаза тауып, бір адам ауыр жарақат алды,

деп хабарлайды Росбалт.

Жергілікті құқық қорғау органдарына сілтеме жасай отырып ИТАР-ТАСС агенттігі жазғандай, белгісіз екі адам барға кіріп, Калашников автоматынан оқ ата бастаған, содан кейін автокөлікке отырып, белгісіз бағытта жасырынып үлгерген. Екі адам сол жерде қаза тапса, үшінші адам ауыр жарақатпен госпитальға жеткізілді.

Алдын ала болжам бойынша, оқиға есірткі сатушылар арасындағы қарақшылық қақтығыс салдарынан болған.