Қараша айында тұрғын үй нарығында бағаның өсуі байқалды - Статистика агенттігі
АСТАНА. 9 желтоқсан. ҚазАқпарат /Қанат Мәметқазыұлы/ - 2010 жылғы қараша айында еліміздің тұрғын үй нарығында бағаның өсуі байқалды.
Бұл туралы Статистика агенттігінің баспасөз қызметі хабарлады.
Атап айтқанда, өткен айда 2010 жылғы қарашада оның алдындағы аймен салыстырғанда жаңа тұрғын үйді сату бағасы 0,4 пайызға жоғарылаған. Бұдан бөлек, көркейтілген тұрғын үйді алып сату - 0,5 пайызға, тұрғын үйлерді жалға беру - 0,7 пайызға, көркейтілмеген тұрғын үйді алып сату бағасы 0,8 пайызға артқан.
