Қарашада еліміздегі инфляция 3,7 пайызды құрады
АСТАНА. ҚазАқпарат - 2015 жылғы қарашада Қазақстан Республикасында инфляция 3,7 пайызды құрады. Баға азық-түлік тауарларына өткен айда - 3,3 пайызға, азық-түлік емес тауарларына - 6,5 пайыз, ақылы қызметтерге - 1,4 пайызға өсті. Бұл туралы ҚР Ұлттық экономика министрлігі Статистика комитетінің баспасөз қызметінен хабарланды.
Комитет мәліметіне қарағанда, өткен айда бағаның өсуі жаңа жиналған көкөністерге 16,4 айыз, жұмыртқаға - 9,4 пайыз, күнбағыс майына - 7,5 пайыз, қарақұмық жармасына - 6,7 пайыз, балық және теңіз өнімдеріне - 6,3 пайыз, зәйтүн майына - 5,3 пайыз, жемістерге - 5,2 пайыз, кофеге - 5,1 пайызды құрады. Сонымен қатар есепті кезеңде баға өсімі шикі сүтке - 4,7 пайызға, салқындатылған сусындарға - 4,4 пайыз, тоқаш және ұннан дайындалатын өнімдерге - 4,3 пайыз, кондитерлік өнімдерге - 4,2 пайыз, ұнға - 3,6 пайыз, нанға - 3,5 пайыз, картопқа - 3,2 пайыз, арпа жармасына - 3 пайыз, макарон өнімдеріне - 2,9 пайыз, тауыққа - 2,8 пайыз, күрішке - 2,7 пайызға, консервіленген сүтке, шайға - 2,4 пайыздан, шұжық, ет өнімдеріне - 2 пайызға белгіленген.
Бұдан бөлек, баға өсімі автомобильдерге - 10,1 пайыз, киім және аяқ киімге - 9,1 пайыз, жеке көлік құралдарына арналған қосалқы бөлшектер мен керек-жарақтарға - 8,1 пайыз, фармацевтикалық өнімдерге - 8 пайыз, тұрмыстық аспаптарға - 7,9 пайыз, шыны және қыш бұйымдарына, кітаптарға - 7,8 пайыздан, тоқыма бұйымдарына - 7,7 пайыз, жиһаз және үйге қажетті заттарға, жеке пайдалануға арналған тауарларға - 5,9 пайызды құрады. Мотор майы - 9,2 пайыз, дизель отыны - 1,5 пайызға қымбаттаған.
«Баға деңгейі кешенді демалыстарды ұйымдастыру қызметтеріне 5,7 пайыз, жолаушылардың әуе көлігімен жол жүру ақысы - 4,5 пайыз, денсаулық сақтау қызметтеріне - 3,8 пайыз, қоғамдық тамақтандыру - 2,3 пайыз, тұрғын үй-жайларды жөндеу және қызмет көрсету бойынша - 2,1 пайызға өсті. Төлемдер жүргізгені үшін ақы 6,9 пайызға жоғарылады. Тұрғын үй-коммуналды қызметтер саласында тарифтер орталықтан жылытуға 5,2 пайыз, ыстық суға - 3,5 пайыз, суық суға - 1,2 пайыз, тұрғын үйді күтіп ұстауға - 1 пайыз, кәрізге - 0,3 пайызға жоғарылады», - делінген баспасөз баянында.
