«Қарашығанақ Петролиум Оперейтинг б.в.-дан» 10 млрд. теңгеге жуық қаржы мемлекет бюджетіне өндірілді - Бас прокуратура
АСТАНА. ҚазАқпарат - Бас прокуратура жүргізген талдаудың нәтижесінде «ҚПО б.в.» қазақстандық филиалының газды нормативтен артық жаққандығы анықталды, деп хабарлайды ҚР Бас прокуратурасының баспасөз қызметі.
Батыс Қазақстан облыстық прокуратурасы енгізген қадағалау актісі бойынша аталған заңды тұлға 2,27 млрд. теңге мөлшерінде әкімшілік айыппұл төледі, сондай-ақ қоршаған ортаға келтірілген шығын ретінде сот тәртібімен 7,3 млрд. теңге өндіріліп алынды.
Өндірілген қаражат толықтай мемлекет бюджетіне түсті.
