Карате: Дархан Асаділов Дубайдағы турнирдің финалына шықты
АСТАНА. ҚазАқпарат - Біріккен Араб Әмірліктерінің астанасы Дубайда каратеден Премьер-лига турнирінің биылғы маусымдағы екінші кезеңі өтуде. Жарысқа әлемнің 86 мемлекетінен 800 спортшы қатысуда, деп жазады Olympic.kz.
Қазақстан командасының мүшесі Дархан Асаділов 60 келіде турнирдің финалына жолдама алды.
Қазақстан құрамасының үздік спортшысы бірінші кездесуінде тунистік каретешіні 6:2 есебімен жеңді. Грузиялық қарсыласымен өткен екінші айқас 2:0 есебімен Дарханның пайдасына аяқталды.
Ал үшінші жекпе-жекте Асаділов Париждегі Премьер-лига жеңімпазы, ирандық Маджидтен 4:1 есебімен басым түсті.
Жартылай финалда Дархан әлемдік рейтингте екінші орында тұрған түркиялық Самдан Ерайды бір ұпай айырмасымен жеңіп, финалға өткен болатын.
Барлық салмақ дәрежесі бойынша финалдық бәсекелер жексенбі күні өтеді.
