Қармақтың көмегімен дүкен тонаған
АСТАНА. ҚазАқпарат - Ресей еліндегі Омбы облысының тұрғыны жергілікті дүкенді қармақтың көмегімен тонаған, деп жазады Лента.ру.
25 шілде күні полиция бөлімшесіне бейтаныс біреулер дүкеннің терезесін сындырып, ішінен алкогольді ішімдіктердің ұрлағаны туралы ақпарат келіп түсті.
Ұрлыққа қатысы бар деген күдікпен 1993 жылғы сол жердің азаматы ұсталды. Айғақ ретінде оның қармағы тәркіленген. Күдікті ақша қажет болғандықтан осындай қадамға барғандығын айтты. Аталған оқиғаға қатысты қылмыстық іс қозғалды, жас жігіт 5 жылға дейін бас бостандығынан айырылуы мүмкін.
