Қарттар үйінде қайырымдылық концерті өтті

АСТАНА. 13 қазан. ҚазАқпарат - Бүгін Сәкен Сейфуллин атындағы Қазақ агротехникалық университетінің студенттері Астанадағы қарттар үйінде қайырымдылық концертін ұйымдастырды.

Көктал кентіндегі Қарттар мен мүгедектерге арналған медициналық-әлеуметтік мекемесінде өткен концерт кезінде университет өнерпаздары ән айтып, қариялардың көңілін бір сергітіп тастады. Іс-шара ҚР Рухани келісім күнінің (18 қазан) 20 жылдығы аясында өтті. Оған Қазақстан халқы Ассамблеясының өкілдері қатысты.