Заңсыз кірістер: Жыл басынан бергі кедендік декларациялар айырмашылығы – 1 млрд доллар
АСТАНА. KAZINFORM – Осы жылдың басынан бері сыртқа шығарылған қаражаттың кедендік декларациямен айырмашылығы 1 млрд долларды құрады. Бұл жайында Jibek Joly телеарнасының «Қайтарылуы тиіс» деректі фильмінде Бас прокуратура жанындағы Активтерді қайтару комитетінің төрағасы Нұрдәулет Сүйіндіков айтты.
«Үшінші елген шығарылған қаражат барлық уақытта да тауарлық түсіммен қамтамасыз етілмейді. Біз мұндай келісімшарттарды бақылауда ұстаймыз. Егер жеткізу мерзімі өтіп кетсе, онда тексеру іс-шараларын қолға аламыз. Осы жылдың өзінде ғана 225 материал бойынша мәліметті құқық қорғау органдарына бердік. Анықталған айырмашылық сомасы шамамен 1 млрд долларды құрайды. Яғни, алдын орай жұмыс істе жатырмыз. Бірден кедендік декларацияны, сыртқа шығарылған қаражатты салыстырамыз және экономикалық қызмет қатысушыларының деректерін бақылауға қоямыз. Екінші бағыт – бұл трансферттік баға кесу. Біз экспортқа тауарды көп шығаратындығымыз құпия емес. Бұл біздің жер қойнауымыз, байлығымыз. Бірақ, кейде оған пара-пар түсім алмаймыз. Яғни, төмендетілген бағамен сыртқа кетуі мүмкін. Бұл белгілі бір ірі компаниялардың, әсіресе жер қойнауын пайдаланушылардың заңсыз табыс алу тәсілі саналады», - деді Ержан Біржанов.
