Қаржы мониторингі агенттігі азаматтарға арналған WhatsApp-ботты іске қосты

АЛМАТЫ. KAZINFORM — Енді ақпаратты түрлі сайттардан іздеудің қажеті жоқ, жай ғана 8-701-00-1458 нөміріне хабарлама жібересіз.  

Ол жерден сіз жиі қойылатын сұрақтарға жылдам жауап аласыз, уәкілетті органдардың өзекті байланыс деректерін таба аласыз, нормативтік-құқықтық актілерге қол жеткізесіз.

— Чат-бот арқылы сіз экономикалық құқық бұзу туралы хабарлай аласыз, — делінген хабарламада. 

Айта кетелік қазақстандықтар жемқорлық туралы хабарлағаны үшін 15,7 млн теңгеге дейін сыйақы ала алатыны туралы жазған едік. Сонымен қатар жемқорлық туралы хабарлаған алматылықтарға 1,2 млн теңге сыйақы берілді.