Қаржы министрлігі ағымдағы жылы экспортты электронды декларациялауды енгізеді

АСТАНА. 12 наурыз. ҚазАқпарат - ҚР Қаржы министрлігі ағымдағы жылы экспортты электронды декларациялауды енгізеді.

Бұл туралы бүгін Үкімет отырысында аталған ведомствоның басшысы Болат Жәмішев мәлім етті.

Министрдің айтуынша, ағымдағы жылдың 1 шілдесінен бастап Қазақстанда экспорттың кедендік процедуралар бойынша рәсімделетін тауарлары мен көлік құралдарына қатысты электронды декларациялауды енгізу жоспарланған.

«Ал келесі жылдың 1 шілдесінен импортталатын тауарлар мен көлік құралдарына қатысты электронды декларациялау енгізу жоспарлануда», - деді министр.

Сонымен қатар оның атап өтуінше, осы жылдың соңына дейін импортты электронды декларациялау тәжірибелік режимде енгізілетін болады.