Қаржы полициясының қызметкері Айдын Жантелеевтің ісі Ішкі істер министрлігіне әлі келіп түскен жоқ - апталық брифинг

АСТАНА. Желтоқсанның 7-сі. ҚазАқпарат /Айдар Оспаналиев/ - «Экономикалық қылмысқа және сыбайлас жемқорлыққа қарсы күрес агенттігінің Алматы қаласы бойынша департаменті бастығының орынбасары Айдын Жантелеевтің ісі  Ішкі істер министрлігіне әлі келіп түскен жоқ»,

 деп мәлімдеді бүгін аталмыш министрліктің Тіл саясаты және ақпарат департаментінің бастығы Қуаныш Жұманов. Бұл туралы ол бүгін журналистермен апталық брифингте мәлім етті, деп хабарлайды ҚазАқпарат.

Естеріңізге сала кетейік, өткен аптада Бас прокурор Қайрат Мәми Айдын Жантелеевтің  ісіне қатысты істің Ішкі істер министрлігінің Әскери басқармасына тексеруге жіберілгендігін мәлімдеген болатын. Бүгін баспасөз мәслихатында осы мәселеге байланысты журналистердің сұрағына жауап берген Қ.Жұманов аталмыш істің

әлі Ішкі істер министрлігіне келмегендігін, ал келген жағдайда министрлік тарапынан оған байланысты арнайы тексеру тобының құрылатындығын жеткізді.