KASE: таңертеңгілік сессиясының қорытындысы бойынша доллар бағамы -146, 78 теңгені құрады
АЛМАТЫ. Мамырдың 12-сі. ҚазАқпарат - Қазақстан қор биржасында Т+ 0 (USDKZT_TOD) теңге есебімен АҚШ доллары бойынша, T+0 (EURKZT_TOD) теңге есебімен және (EURUSD_TOD) АҚШ доллары есебімен еуро бойынша таңертеңгілік сауда сессиясы аяқталды.
Аталған санаттар үшін бүгінгі сессия негізгі болды. Саудаға қор биржасының «валюталық нарық мүшесі» санатындағы 21 мүшесі қатысты, деп хабарлайды ҚазАқпарат биржаға сілтеме жасап.
АҚШ долларының бүгінгі орташа бағамы T+0 есебімен 146,78 теңгені, ал сауда көлемі 73 600 мың долларды құрады. Бұған дейінгі таңертеңгілік сауданың қорытындысымен салыстырғанда доллар бағамы 0,17 теңгеге қымбаттап, сессия көлемі 108 550 мың долларға кеміді.
Т+0 теңге есебімен еуро бойынша мәміле жасалған жоқ. Сессия жабылар кездегі баға белгіленімі болған жоқ.
Ал Т+0 доллар есебімен еуроның орташа бағамы 1,2644 АҚШ долларын құрады, ал сауданың көлемі - 30 мың еуроны шамалады.
