KASE: таңертеңгілік сессиясының қорытындысы бойынша доллар бағамы 147,05 теңгені, еуро бағамы 200,90/201,90 теңгені құрады
АЛМАТЫ. Наурыздың 16-сы. ҚазАқпарат - Қазақстан қор биржасында Т+ 0 (USDKZT_TOD) теңге есебімен АҚШ доллары бойынша, T+0 (EURKZT_TOD) теңге есебімен еуро және (EURUSD_TOD) АҚШ доллары бойынша таңертеңгілік сауда сессиясы аяқталды.
Аталған санаттар үшін бүгінгі сессия негізгі болды. Саудаға қор биржасының «валюталық нарық мүшесі» санатындағы 16 мүшесі қатысты, деп хабарлайды ҚазАқпарат биржаға сілтеме жасап.
АҚШ долларының бүгінгі орташа бағамы T+0 есебімен 147,05 теңгені, ал сауда көлемі 46 330 мың долларды құрады. Бұған дейінгі таңертеңгілік сауданың қорытындысымен салыстырғанда доллар бағамы 0,04 теңгеге арзандап, сессия көлемі 2 730 мың долларға өсті.
Т+0 теңге есебімен еуро бойынша мәміле жасалған жоқ. Сессия жабылар сәттегі үздік баға белгіленімі еуро үшін 200,90/201,90 теңгені құрады.
Ал Т+0 доллар есебімен еуро валютасы бойынша мәміле жасалған жоқ. Сессия жабылар сәттегі сұраныс еуро үшін 1,3660 долларды құрады, бірақ ұсыныс болған жоқ.
