Қасиетті Рамазан айында БАӘ-де ауа температурасы 50 градусқа жетті

ӘБУ-ДАБИ. 12 шілде. ҚазАқпарат - Осы күндері Біріккен Араб Әмірліктерінде ауа температурасы Цельсий бойынша елу градусқа дейін көтеріліп отыр.

Жергілікті синоптиктердің айтуынша, Әмірліктер үшін мұндай ыстық әдеттегіден тыс құбылыс емес және әлі де бірнеше күн бойы жалғасуы мүмкін.

«Ыстық толқыны» БАӘ-ге мұсылмандар үшін қасиетті Рамазан айы басталуына бір күн қалғанда келген. Мұсылмандар соңғы отыз екі жыл ішінде алғаш рет он бес сағатқа ауыз бекітіп, ораза ұстайды, деп жазады жергілікті БАҚ.