Қасым-Жомарт Тоқаев Дональд Трампты құттықтады

АСТАНА. KAZINFORM — Мемлекет басшысы Қасым-Жомарт Тоқаев Америка Құрама Штаттары Президентінің сайлауында айқын жеңіске жеткен Дональд Трампқа құттықтау жеделхатын жолдады.

Қазақстан Президенті қауіпсіздік, ядролық қаруды таратпау, инвестиция салаларындағы екіжақты ынтымақтастық дәйекті түрде дами беретініне сенім білдірді.

Қасым-Жомарт Тоқаев Дональд Трампқа Америка халқының өсіп-өркендеуі жолындағы, сондай-ақ жаһандық тұрақтылық пен қауіпсіздікті қамтамасыз етудегі қызметіне табыс тіледі.

Айта кетейік, бұған дейін Дональд Трамп АҚШ-тың 47-інші президенті болғанын, оның Орталық Азияға қатысты саясаты қандай өрбуі мүмкін екенін жазған едік.