16:31, 01 Желтоқсан 2023 | GMT +5
Қасым-Жомарт Тоқаев Дубайда бірқатар кездесу өткізді
Ақорданың баспасөз қызметі Мемлекет басшысының Дубайда шет мемлекеттердің бірқатар лауазым иелерімен кездескенін мәлім етті, деп хабарлайды Kazinform.
Мемлекет басшысы Еуроодақ Президенті Шарль Мишель, Ұлыбританияның бұрынғы Премьер-министрі Тони Блэр, Мажарстан Президенті Каталин Новак және АҚШ Президентінің климат жөніндегі арнайы өкілі Джон Керримен әңгімелесті.
Қазақстан Президенті Қатар Әмірі шейх Тәмим бен Хамад Әл Тәни және Словения Президенті Наташа Пирц-Мусармен, Моңғолия Президенті Ухнаагийн Хурэлсух, Тәжікстан Президенті Эмомали Рахмон және Андорра Премьер-министрі Ксавьер Эспот Саморамен пікір алмасты.
Осыған дейін Президент Дүниежүзілік климаттық саммиттің ашылу рәсіміне қатысу үшін Дубайға барғанын жаздық.
