Қасым-Жомарт Тоқаев Шавкат Мирзиёевтің шақыруымен Өзбекстанға барады

АСТАНА. KAZINFORM – Мемлекет басшысы Қасым-Жомарт Тоқаев Президент Шавкат Мирзиёевтің шақыруымен 3-4 сәуір күндері Өзбекстанға жұмыс сапарымен барады. Бұл туралы Ақорданың баспасөз қызметі хабарлады.

Самарқандта Қазақстан Президенті «Орталық Азия – Еуропа Одағы» саммитінің отырысына қатысып, бірқатар кездесу өткізеді.

Айта кетейік, Өзбекстан Президенті Шавкат Мирзиёев Қазақстанға жұмыс сапарымен келген болатын.