Кәсіпқой боксшы Геннадий Головкин бразилиялық Джон Андерсон Карвальоны нокаутпен жеңді

 деп хабарлайды ҚазАқпарат.

Бұл жекпе-жекте қарағандылық былғары қолғап шебері  Бүкіләлемдік бокс одағының ( WBO) тұжырымы бойынша құрлықаралық чемпион атағына қол жеткізді. Қарсыласын 2-ші раундта нокаутқа түсірген Г. Головкин қазір    Бүкәлемдік бокс кеңесі (WBC) мен Бүкіләлемдік бокс қауымдастығы (WBА) тұжырымы бойынша үшінші, ал Бүкіләлемдік бокс одағының ( WBO) тұжырымы рейтингінде төртінші сатыда тұр.  Кәсіпқой  бокста 4 жылдан бері бақ сынап жүрген ол  бұған дейін 16 кездесу өткізіп, оның бәрінде де мерейі үстем болды ( 13-ін  нокаутпен жеңді).  Ал  Джон Андерсон Карвальоның төртініші жеңілісі.  Бұған дейін 23 кездесу өткізген бразиялық оның  19-ында (11 нокаутпен) жеңіп, үшеуінде жеңіліс тауып, біреуінде тең түскен  болатын.