Кәсіпқой боксшы Қанат Исламның қарсыласы ауысты
АСТАНА. ҚазАқпарат - Кәсіпқой боксшы Қанат Исламның қарсыласы ауысты. Бұл туралы боксшының фейсбуктегі парақшасында хабарлады.
«7 қараша күні АҚШ-та Қанат Ислам өзінің кезекті кездесуін өткізеді. Бұған дейін боксшымыз Мексикалық Алексис Камачомен (21-5, 19-КО) кездеседі деген ақпарат шыққан еді. Ал кеше оның қарсыласы өзгергені белгілі болды.
Қазақстандық боксшының жаңа қарсыласы Доминикандық Джонатан Батиста (15-7, 8-KO) болмақ», - деп жазылған парақшасында.
