Кәсіподақтар алдағы сайлауда Н.Назарбаевты ҚР Президенті үміткерлігіне ұсынуға мүдделі

АСТАНА. 8 ақпан. ҚазАқпарат - 2011 жылғы 15-16 ақпан күндері Астана мен Алматы қалаларында Қазақстан Респубикасының тау-кен өнеркәсібі, денсаулық сақтау саласы, мұнай-газ кешені, қарулы күштер, мемлекеттік мекемелер, темір жол саласы қызметкерлерінің республикалық кәсіподақтары кезектен тыс съезд өткізеді.

Бұл туралы ҚР Кәсіподақтар федерациясының баспасөз қызметі мәлім етті.

Съезде Нұрсұлтан Назарбаевтың кандидатурасын 2011 жылғы 3 сәуірде өтетін кезектен тыс сайлауда Қазақстан Республикасы Президенті үміткерлігіне ұсыну туралы мәселе қаралатын болады.