Каспий теңізінде болған апаттан үш жұмысшы қаза тапты, біреуі іздестірілуде
БАКУ. ҚазАқпарат - Әзербайжандағы мұнай платформасында болған апатқа байланысты қылмыстық іс қозғалды. Бұл туралы Әзербайжанның Бас прокуратурасының баспасөз қызметі хабарлады.
Хабарламаға сәйкес, осы оқиғаға байланысты Әзербайжанның ҚК-нің 162-бабының 2-тармағы бойынша қылмыстық іс қозғалды. Тергеу жалғасуда.
Каспийдің әзербайжандық секторында 23 қазан күні шамамен 12:00 кезінде апаттық жағдайдағы Н.Нариманов атындағы ПО «Азнефть» Мұнай-газ өндіруші басқармасының территориясындағы №441 алаңы жөндеу жұмыстары кезінде опырылған. Диаметрі 700 мм болатын құбырдың зақымдануы салдарынан өрт тұтанған. Шамамен 12:45 кезінде өрт ауыздықталды.
Апат кезінде платформада 41 жұмысшы болған. Апаттық құтқару бригадасының қолға алған шараларының нәтижесінде, 37 адам қауіпсіз жерге шығарылып, жағалауға «Orion-15» және «PSK-52» кемелерімен жеткізілді.
Із-түзсіз жоғалған төрт жұмысшының үшеуінің мәйіттері оқиға орнынан 2 шақырым жерден табылды. Із-түзсіз жоғалғандардың тағы біреуі іздестірілуде.
