Каспийде браконьерлердің ауына түсіп қалған итбалықтар құтқарылды
АҚТАУ. ҚазАқпарат - Маңғыстаулық инспекторлар браконьерлердің ауына түсіп қалған итбалықтарды құтқарды, деп хабарлайды ҚазАқпарат ҚР АШМ Орман шаруашылығы және жануарлар әлемі комитетінің баспасөз қызметіне сілтеме жасап.
«7-8 қарашада Маңғыстау облыстық орман шаруашылығы және жануарлар дүниесі аумақтық инспекциясының мемлекеттік инспекторлары Каспий теңізінің акваториясындағы Маңғышлақ архипелагының аралдарында рейдтік шаралар өткізді», - делінген комитеттің Фейсбуктегі парақшасында.
Нәтижесінде ұзындығы 300 метрдан астам ау табылып, олардың бірінен 2 итбалық құтқарылып, қайта теңізге жіберілді. Сонымен қатар 14 бекіре тұқымдас балық құтқарылды.
