Кәсіпкерлікті мемлекеттік қолдау шараларының орталықтандырылған тізілімі жасалады
АСТАНА. KAZINFORM — Кәсіпкерлікті мемлекеттік қолдау шараларының орталықтандырылған тізілімі жасалады. Бұл туралы Премьер-Министр Олжас Бектеновтің Мәжіліс депутаттарының сауалына берген жауабында айтылған.
«1 қыркүйекке дейін квазимемлекеттік сектор субъектілері үшін нарықтық емес (жеңілдікті) шарттарда Ұлттық қордан мемлекеттік қаржыландыруды тартуға тыйым салу жоспарланып отыр. Кәсіпкерлікті мемлекеттік қолдау шараларын көрсету тәртібін стандарттау жөніндегі шаралар аясында „Бәйтерек“ холдингі мысалында кәсіпкерлікті мемлекеттік қолдау шараларының орталықтандырылған тізілімін қалыптастыру көзделуде. Әрбір еншілес ұйымда мемлекеттік қолдау шараларын көрсету бойынша қызметтерді регламенттеу мен паспорттау енгізіледі», — деп атап өтеді Үкімет басшысы жауабында.
Премьер-Министрдің атап өтуінше, экономиканы ырықтандыру жөнінде қабылданатын барлық шара бойынша жұмыс нәтижесі тоқсан сайын экономиканы монополиясыздандыру комиссиясының қарауына шығарылады.
«Экономиканы ырықтандыру жөніндегі шараларды іске асыру Үкіметтің қатаң бақылауында және белгіленген мерзімде орындалады», — деді Олжас Бектенов.
