Кәсіпқой бокс: Жәнібек Әлімханұлы қарсыласын нокаутпен жеңді

АСТАНА. KAZINFORM — Орта салмақта WBO және IBF нұсқасы бойынша әлем чемпионы, қазақстандық кәсіпқой боксшы Жәнібек Әлімханұлы (16-0, 11КО) Астанада өтіп жатқан «Battle of the Brave» бокс кешінің басты жекпе-жегінде өнер көрсетті.

Жәнібек Әлімханұлы
Фото: Нұрғали Жұмағазы

12 раундқа жоспарланған айқаста отандасымыз франциялық Анауэль Нгамиссингемен (14-0, 9 КО) жұдырықтасты.

боксшы
Фото: Нұрғали Жұмағазы

Алғашқы раундтың соңғы секундында қазақстандық боксшы қарсыласына тура соққы бағыттап, нокдаунға түсірді.

Жәнібек Әлімханұлы
Фото: Нұрғали Жұмағазы

Осыдан кейін, отандасымыз шаршы алаңда еркін қимылдап, өз мәнерінде бокстасты. Жәнібек әр раунд сайын шабуылды үдетіп, қарсыласына дәл соққыларын дарытты.

боксшы
Фото: Нұрғали Жұмағазы

Бесінші раундта франциялық боксшы Жәнібектің ауыр соққысынан шалқалай құлады. Төреші есеп ашып, жекпе-жекті мерзімінен бұрын аяқтатты.

Осылайша, Жәнібек Әлімханұлы кәсіпқой мансабында 17-ші рет жеңіске жетіп, қос чемпиондық белдігін сәтті қорғады.

Айқастан кейін, Жәнібек барлық қазақстандыққа алғысын айтты.

Айта кетейік, осыған дейін Сұлтан Заурбек (19-0, 13 КО) кәсіпқой мансабында 20-шы жекпе-жегінде жеңіске жеткенін жазған едік.

Соңғы жаңалықтар