09:10, 15 Қыркүйек 2024 | GMT +5
Кәсіпқой боксшы Бек Нұрмағанбет қарсыласын нокаутпен жеңді
АСТАНА. KAZINFORM — Қазақстандық боксшы Бек Нұрмағанбет америкалық Джошуа Конлимен (17-7-1, 11 КО) жекпе-жекті екінші раундта техникалық нокаутпен аяқтады.
26 жастағы Бек үшін бұл — кәсіпқой бокстағы 12-ші жеңіс.
Оның ішінде 11-інде қарсыласын осылай мерзімінен бұрын жер жастандырып отыр.
Қазақстандық боксшы Канело мен Берланг бокс кешінің андеркартын ашты, бірақ жекпе-жек YouTube тікелей эфирінде көрсетілмеді.
Сауль Альварес «Канело» мен Эдгар Берланг айқасы әлі болып жатыр. Оны мына сілтемеден тамашалауға болады.
Айта кетейік, мұның алдында Бек Нұрмағанбеттің әлемдік рейтингіде жоғарылағанын хабарлаған едік.
Бек былтыр АҚШ-та өткен тағы бір жекпе-жегінде нокаутпен жеңген.
