Қайрат Ералиев Бангкоктағы турнирдің ширек финалына шықты

АСТАНА. ҚазАқпарат - Азия чемпионатының алғашқы сынында әлем чемпионының қола жүлдегері Қайрат Ералиев (56 кг) филиппиндік Марио Фернандеспен кездесті.

Фернандес қазақстандықтан осал екендігін байқатты.

Ералиев дәл әрі қуатты соққылар жасады. Филиппиндік қаншама жауап қайтарғысы келіп әрекеттегенімен еш нәтиже шығара алмады.

Қайрат жарақат алғанына қарамастан жекпе-жекті соңына дейін жеткізді. Барлық төреші жеңісті қазақстандыққа берді - 3:0. Фернандес турнирден шығып қалды.